Год таму беларусы здзівілі ўсіх пікетам салідарнасці
- 18.06.2021, 22:39
- 7,840
Тысячы людзей, сем гадзін і тры кіламетры.
18 чэрвеня ў Беларусі адзначаецца не толькі сумная гадавіна затрымання экс-старшыні Белгазпрамбанка і прэтэндэнта ў прэзідэнты Віктара Бабарыкі, але і гадавіна першай вялікай акцыі салідарнасці падчас леташніх выбараў беларусаў, якія не згодны з палітыкай Лукашэнкі, піша «Белсат».
Падобныя акцыі беларуская апазіцыя арганізавала не ўпершыню. Аналагічныя ланцугі ўжо былі падчас прэзідэнцкіх выбараў 2010 і 2015 гадоў, антыінтэграцыйныя пратэсты 2019-га. Але такі размах ланцуг салідарнасці ў Беларусі набыў толькі падчас збору подпісаў на прэзідэнцкіх выбарах 2020 года.
Ніхто не чакаў такой масавасці
18 чэрвеня быў перадапошнім днём збору подпісаў за прэтэндэнтаў на пасаду прэзідэнта. Раніцай стала вядома аб затрыманні лідара гонкі Віктара Бабарыкі.
«Людзям канца і краю няма»
Акцыя пачалася а 18:00 ля Белдзяржфілармоніі на плошчы Якуба Коласа. Убачыўшы, што людзі збіраюцца, да пікету пачалі далучацца новыя ўдзельнікі і на працягу некалькіх гадзін жывы ланцуг заняў тры кіламетры, выйшаўшы нават за межы плошчы Незалежнасці.
Агулам людзі стаялі ўздоўж праспекта Незалежнасці амаль сем гадзін. У пікеце ўзялі ўдзел тысячы чалавек.
«Наважылі збіваць пратэстны настрой»
На наступны дзень арганізатары паспрабавалі паўтарыць ланцуг, але а 19:00, адначасова з закрыццём ЦВК пачаліся затрыманні.
Нягледзячы на затрыманні, акцыя зноў расцягнулася на гадзіны. Людзей затрымлівалі ў розных месцах Менску і ў розных гарадах Беларусі. Колькасць затрыманых перавысіла сотню. У Маладзечне пратэстоўцы нават спрабавалі адбіць затрыманых у сілавікоў.
«Адзін з самых моцных дзён мінулага года»
Пасля 19 чэрвеня ў выбарах наступіў перыяд цішыні. Наступныя масавыя пратэсты аднавіліся 14 ліпеня, калі было адмоўлена ў рэгістрацыі Віктару Бабарыку і Валерыю Цапкалу.