Каля метро «Малінаўка» аўтамабіль уляцеў у аўтобусны прыпынак

Што стала прычынай ДТЗ, пакуль невядома.

Чытач паведаміў карэспандэнту Onliner пра дарожна-транспартнае здарэнне, што адбылося сёння раніцай на праспекце Дзяржынскага ў Менску. У раёне станцыі метро «Малінаўка» аўтамабіль з расейскімі нумарамі разнуўся ў прыпынак грамадскага транспарту.

Паводле папярэдняй інфармацыі, аўтамабіль Opel трапіў на прыпынак не з боку праезнай часткі праспекта, а з процілеглага – там размешчаная паркоўка. Паводле некаторых звестак, адначасна гэтая машына зачапіла Suzuki, які стаяў.

Што стала прычынай ДТЗ, пакуль невядома. На месцы працуе міліцыя. Звестак пра пацярпелых пакуль няма.

– Там ужо працавала ўборачная машына разам з дворнікамі. Міліцыя таксама была на месцы, знаходзілася за пацярпелым Suzuki. Нібыта абышлося без ахвяраў. Калі шчыра, ёсць здагадка, што кіроўца Opel выехаў на ходнікі і ўрэзаўся ў Suzuki, потым, здаўшы назад, заехаў у прыпынак, – расказаў чытач Onliner.