Сіноптыкі расказалі пра надвор'е ў Беларусі на пачатку тыдня

У Беларусі захаваецца гарачае надвор'е.

Сёння наша краіна будзе знаходзіцца пад уплывам вобласці падвышанага атмасфернага ціску, піша сайт naviny.by.

Паводле прагнозу сіноптыкаў, чакаецца невялікая воблачнасць. Пераважна без ападкаў.

Вецер паўднёва-ўсходні слабы да сярэдняга.

Тэмпература паветра ў рэгіёнах:

Берасце +30.. + 32°C;

Віцебск +31.. + 33°C;

Гомель +31 .. + 33°C;

Гродна +30.. + 32°C;

Магілёў +31.. + 33°C;

Мінск +30.. + 32°C.

Праз моцную спякоту абвешчана штармавое папярэджанне.

У гарачае надвор'е арганізм страчвае ваду, таму вельмі важна яе папаўняць. Што лепш за ўсё піць у спякоту? Магчыма гэтыя дзесяць напояў дапамогуць вам без наступстваў перанесці спёку.

Неабходна памятаць некалькі правілаў, каб перажыць спякоту без страт:

Неабходна піць дастатковую колькасць вады - здаровым людзям 2,5-3 літра на дзень, якая не павінна быць занадта халоднай і газаванай. У адваротным выпадку ёсць рызыка справакаваць захворванні горла. У спякоту не рэкамендуецца піць каву, гарбату, алкаголь.

Адзенне варта выбіраць з лёгкіх натуральных тканін - бавоўны, лёну, шоўку, светлых тонаў і з не ў абліпку, каб забяспечыць целу дастатковы паветраны і цеплавы абмен. Варта адмовіцца ад нашэння тугіх паясоў і рамянёў. У спякоту таксама варта адмовіцца ад абутку на абцасах, што дапаможа пазбегнуць ацёку ног. Добра было б, выходзячы на сонца, надзець галаўны ўбор.

Пры выкарыстанні кандыцыянера для пазбягання рэзкага перападу тэмператур пры наступным выхадзе на двор, тэмпературу ў памяшканні варта ўсталёўваць не значна ніжэйшую, чым звонку - аптымальная розніца складае пяць градусаў.

У гарачае надвор'е трэба аддаць перавагу гародніне і садавіне, ад занадта тлустай і салёнай ежы пажадана адмовіцца. Акрамя таго, у спякоту ўзрастае рызыка ўзнікнення харчовых атручванняў.

Людзям, якія маюць праблемы са здароўем, у спякоту пажадана адмовіцца ад кіравання аўтамабілем.

Ні ў якім разе нельга пакідаць у закрытым аўтамабіля дзяцей і хатніх гадаванцаў - нават на хвіліну. У салоне ствараецца вельмі высокая тэмпература, якая можа прывесці да ўзнікнення цеплавога ўдару, а ў крайнім выпадку - і да смерці, калі вы раптам затрымаецеся больш, чым разлічвалі.