Улады перакрылі мост у Барысаве, але схема аб'езду выклікае пытанні ў гараджан

Яшчэ ў пятніцу ўвечары на палатне пуцеправода паўстала расколіна.

Мост над чыгуначным шляхамі ў Барысаве, недалёка ад прыпыначнага пункта Печынскі, перакрыты для руху аўтамабільнага транспарту, паведамляе ex-press.by.

18 чэрвеня прыблізна а сёмай гадзіне вечара на палатне пуцеправода паўстала расколіна. З нейкай прычыны паднялася пліта прымыкання маставога пераезду з дарогай. Перапад вышынь склаў амаль 10 сантыметраў.

У суботу раніцай ніякіх работ на пуцеправодзе не вялося. Намесніца дырэктара ў ідэалогіі УП «Жыллё» Наталля Арэшка расказала журналісту наступнае:

- Пра непаладкі з мостам стала вядома позна ўвечары. Рух мы адразу перакрылі. Сёння выклікалі спецыялізаваную маставую арганізацыю, якая мае ліцэнзію для правядзення такіх рамонтных прац. Цяпер мы займаемся падсыпкай дарогі на вуліцы братоў Вайнрубаў, па якой і арганізаваны часовы аб'езд.

Адзначым, што рух перакрылі не адразу пасля з'яўлення на мосце супрацоўнікаў МНС і міліцыі, пра што сведчаць фота і відэа, знятыя відавочцамі.

Інфармацыі са схемай «арганізаванага» аб'езду ў Печы і з Печаў побач з закрытым мостам мы не выявілі. Калі мясцовыя кіроўцы прыблізна ўяўляюць, як можна дабрацца да былога вайсковага гарадка і выехаць з яго, і накіроўваюцца ў раён чыгуначнага пераезду каля Зялёнага гарадка, то прыезджыя здзіўляюцца і распытваюць мінакоў.

Адзін з кіроўцаў, якія жывуць у Печах, распавёў, што ўчора дабіраўся дадому дарогай, па якой «арганізаваны часовы аб'езд», і ледзь не загубіў падвеску свайго аўтамабіля.

- Цяпер паеду праз Перасады, - сказаў ён. - Далёка, вядома, але для аўто бяспечней.

Прыкладная схема аб'езду:

Такім чынам, сёння ў горадзе няма не толькі абяцанага другога пуцеправода над чыгуначнымі шляхамі, але няма і адзінага.

Як доўга спецыялізаваная маставая арганізацыя будзе развязваць праблему? Будзем спадзявацца, што хутка.