На Алімпіяду ў Токіё паедзе мінімальная колькасць спартоўцаў з Беларусі
14- 23.06.2021, 16:52
- 12,780
Антырэкорд за ўвесь час самастойных выступаў.
НАК зацвердзіў склад беларускай спартыўнай дэлегацыі на Алімпійскіх гульнях у Токіё, паведамляе euroradio.fm.
У яе ўвайшлі, напрыклад, лёгкаатлеты Вольга Мазуронак і Максім Недасекаў, плыўцы Ілля Шымановіч і Яўген Цуркін, тэнісісткі Вікторыя Азаранка і Арына Сабаленка.
Усяго ў дэлегацыі - 96 спартоўцаў. Гэта антырэкорд для Беларусі на летніх Алімпіядах за ўвесь час самастойных выступаў.
На ранейшыя летнія Алімпійскія гульні ад Беларусі ехалі:
1996 - 157 спартоўцаў;
2000 - 139;
2004 - 151;
2008 - 177;
2012 - 160;
2016 - 120.