Кот з вечна здзіўленым тварам праславіўся на ўвесь свет

Фотафакт.

Расейскі кот Фёдар з Растова-на-Доне ўганараваўся артыкулам у брытанскім таблоід The Mirror праз свой выгляд. А ўсё з-за таго, што ў гадаванца вельмі дзіўны выраз мыскі, як быццам ён вечна здзіўлены, піша mk.ru.

Гаспадыня Наталля распавяла, што кату цяпер два гады, а знайшла яна яго на дварэ, калі таму было блізу тыдня. Ужо тады ў ката былі дзіўныя вочы - трохі выпуклыя. Праз гэтага яго назвалі Блюдаглазым. Спачатку кацяня знаходзілася ў цяжкім стане, але хатні догляд пайшоў яму на карысць, і ён вырас цалкам здаровым катом.