28 верасня 2021, aўторак, 7:51
Сім сім, Хартыя 97!
Рубрыкі

Міністр абароны Бэн Уолес: Флоту Брытаніі не перашкодзяць хадзіць ля берагоў акупаванага РФ Крыма

7
Міністр абароны Бэн Уолес: Флоту Брытаніі не перашкодзяць хадзіць ля берагоў акупаванага РФ Крыма

Каралеўскі флот заўсёды будзе выконваць міжнароднае марское права.

Міністр абароны Вялікай Брытаніі Бэн Уолес заявіў, што флоту краіны «не перашкодзяць» хадзіць ля берагоў акупаванага Расеяй Крыма. Ён падкрэсліў, што каралеўскі флот заўсёды будзе выконваць міжнароднае марское права.

Пра гэта кіраўнік Мінабароны каралеўства заявіў у інтэрв'ю The Times.

«Каралеўскі флот заўсёды будзе выконваць міжнароднае марское права і яму не будуць чыніць перашкод у мірным пераходзе», - падкрэсліў міністр.

Кіраўнік МЗС Брытаніі Дамінік Рааб звярнуў увагу, што апісанне Расеяй інцыдэнту ў сувязі з праходам карабля ВМС Брытаніі ля берагоў Крыма «прадказальна няправільнае».

«Карабель ВМС Вялікай Брытаніі здзяйсняў мірны праход праз тэрытарыяльныя воды Украіны. Мы рабілі гэта ў адпаведнасці з міжнародным правам», - заявіў ён.

У сваю чаргу Уолес адзначыў, што Брытанія не здзіўленая і назірае такую сітуацыю рэгулярна.

«Дэзінфармацыя - гэта тое, што прыходзіць і сыходзіць з Расеяй. Гэта тое, што мы назіраем рэгулярна. Мы не здзіўленыя гэтым, мы гатовыя да гэтага», - запэўніў ён.

Нагадаем, 23 чэрвеня расейскія вайскоўцы заявілі, што адкрылі папераджальную стральбу па брытанскім эсмінцы ў Чорным моры ля акупаванага Крыма. Пазней Мінабароны Вялікай Брытаніі паведаміла, што папераджальных стрэлаў па эсмінцы Defender не выраблялася. Міністр абароны Вялікай Брытаніі Уолес распавёў, што караблі РФ папярэдзілі эсмінец Defender, што ладзяць вучэнні на Чорным моры. З ягоных слоў, заявы расейцаў аб абстрэле - дэзінфармацыя.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».