Пенсіянер пайшоў у краму, зрэзаўшы праз кукурузнае поле, і заблукаў
14- 22.07.2021, 12:55
- 7,264
Яго шукалі шэсць супрацоўнікаў МНС.
21 ліпеня ў 11:13 выратавальнікам паступіла паведамленне пра тое, што патрабуецца дапамога ў пошуку чалавека, які згубіўся ў кукурузным полі паблізу пасёлка Дружны Пухавіцкага раёна, паведамляе прэс-служба МНС.
Пазней выратавальнікам стала вядома, што пенсіянер раніцай блізу 10-й гадзіны пайшоў у краму і, надумаўшы скараціць дарогу праз кукурузнае поле, заблукаў.
– Па дапамогу звярнулася жонка заблукалага, – расказвае кіраўнік варты пажарнай аварыйна-выратавальнай часці №4 Пухавіцкага раённага аддзела НС. – Жанчына паведаміла, што ў мужа села батарэя ў мабільным тэлефоне, ён толькі паспеў паведаміць, што заблукаў у кукурузным полі. Вызначыўшы тры напрамкі, мы пачалі прачэсваць мясцовасць. Праз хвілінаў 40 кіроўца часткі Антон Паддубоцкі даклаў праз рацыю, што чалавек з прыкметамі абязводжвання знойдзены. Мы накіраваліся да яго і дапамаглі вывесці пенсіянера.
У пошукава-выратавальнай аперацыі былі задзейнічаныя дзве адзінкі тэхнікі, шэсць супрацоўнікаў МНС.
Пасля агляду супрацоўнікамі хуткай медыцынскай дапамогі пажылы мужчына быў адпушчаны дадому.