У Беларусі забаранілі прадаваць два тыпы вядомых бісквітных рулетаў

Продаж забараняецца з 25 ліпеня.

У Беларусі забаранілі прадаваць два тыпы вядомых кандытарскіх рулетаў - з вішнёвай і чарнічнай начынкамі, - расейскай фірмы «Яшкіна». Інфармацыя пра гэта была апублікаваная ў тэлеграм-канале «Бяспека і якасць».

У кандытарскіх вырабах выкарыстоўваюцца заяўленыя ў маркіроўцы недапушчальныя харчовыя дабаўкі: антыакісляльнік ізааскарбат натрыю (Е316) і кансервант бензаат натрыю (Е211).

Продаж двух тыпаў рулетаў «Яшкіна» забараняецца з 25 ліпеня 2021 года. З гэтай жа даты іх нельга ўвозіць у Беларусь.