Папулярны блогер распавёў, што чакае суўдзельнікаў Лукашэнкі

Прыйдзе новая ўлада - і настане час адказаць за свае дзеянні.

Заснавальнік «Рэальнай Беларусі» Арцём Шапараў даў сваё першае вялікае інтэрв'ю СМІ. Папулярны блогер сярод іншага расказаў Studio Х97 пра тое, што чакае памагатых рэжыму Лукашэнкі.

- На лаве падсудных з Лукашэнкам пяць чалавек, якія павінны сядзець побач. Хто гэта?

- Іх занадта шмат. Занадта шмат. Там насамрэч ўсе ад кіраўнікоў горада да кіраўнікоў раёнаў павінны сядзець побач з ім. Кожны начальнік кожнага аддзялення МНС, хто ўдзельнічаў у разгонах, МУС, ГУБАЗіК, АМАП. Усе яны павінны сядзець. І не толькі начальства, але і тыя, хто выконваў гэтыя загады. У Канстытуцыі выразна сказана, і ў прысязе, што яны не маюць права выконваць незаконныя загады. Для гэтага яны і павінны вывучаць заканадаўства і вывучаюць яго. Але яны зрабілі так, як зрабілі і павінны за гэта адказаць.

Прыйдзе новая ўлада і я буду з яе патрабаваць, каб кожны адказваў за свае дзеянні. Гэта вельмі важна. Таму што людзі былі забітыя. І мы ведаем толькі частку тых, каго забілі. Пасля 9 жніўня памятаеце, колькі людзей без вестак прапалі? Потым хтосьці патануў, хтосьці нібыта павесіўся. Гэта ж звёны аднаго ланцуга і гэта трэба расследаваць.

І кожны павінен несці за гэта адказнасць. Гэта вельмі важна.

Падпісвайцеся на Youtube канал «Хартыі-97» - charter97video. Падзяліцеся відэа з сябрамі. Стаўце лайкі і пішыце каментары.