Самалёт «Белавія», які накіроўваўся з Менска ў Анталію, падаў сігнал бедства

На борце адбылася пазаштатная сітуацыя.

Самалёт авіякампаніі Belavia, які вылецеў з Менска ў Анталію, падаў сігнал бедства, паведаміла "Інтэрфаксу" крыніца ў авіядыспетчарскіх службах.

"Самалёт Boeing 737, які накіроўваўся з Менска ў Анталію, падаў сігнал бедства над Варонежскай вобласцю. Самалёт накіроўваецца ў Варонеж, дзе, як чакаецца, зробіць вымушаную пасадку", – сказала крыніца.

"Белавія" пацвердзіла гэтую інфармацыю і паабяцала разгорнуты адказ.

Адзначаецца, што цяпер самалёт змяніў курс і накіроўваецца ў Маскву.