Траіх беларускіх лёгкаатлетаў не дапусцілі да Алімпіяды

Прычынай называецца невыкананне аднаго з пунктаў антыдопінгавых правілаў.

Траіх беларускіх лёгкаатлетаў не дапусцілі да Алімпіяды.

Пра гэта паведамляе Незалежны лёгкаатлетычны орган у барацьбе з негатыўнымі з'явамі (Athletics Integrity Unit).

Прычынай называецца невыкананне аднаго з пунктаў антыдопінгавых правілаў. У перыяд, калі не праводзяцца спаборніцтвы, спартоўцы павінны прайсці тры допінг-тэсты з інтэрвалам не меней за тры тыдні на працягу 10 месяцаў. Інакш атлет не атрымае права прадстаўляць сваю краіну і на Алімпійскіх гульнях, і на Алімпіядзе.

Усяго не дапушчана да Гульняў у Токіа 20 лёгкаатлетаў. Акрамя трох беларусаў, гэта трое ўкраінцаў, 10 прадстаўнікоў Нігерыі, 2 - Кеніі, па аднаму спартоўцу з Эфіопіі і Марока. Прозвішчы спартоўцаў не называюцца.

Як раз 28 ліпеня стала вядома, што ў Токіа не выступіць лёгкаатлетка, скакуха ў вышыню Марыя Жодзік. Відавочна, што яна са згаданага спісу, бо прычынай называлася недастатковая колькасць допінг-тэстаў за сезон.