Кіберпартызаны ўзламалі сістэму відэаназірання ІЧУ на Акрэсціна

Усе карнікі будуць устаноўлены, - заявілі хакеры-патрыёты.

Узламаная сістэма назірання відэакамер ІЧУ на Акрэсціна.

«Вы спадзяваліся, што можна забіваць, катаваць і калечыць нашых людзей беспакарана? Думалі, вас не выдасць дыктатар і балаклава? «Супраціў» кажа вам, што вашы ўнутраныя сістэмы ўжо не такія і ўнутраныя, і за свае злачынствы вы станеце перад судом у новай Беларусі. Усе будуць устаноўленыя - па падраздзяленнях, па хвілінах, па імёнах.

ІЧУ «Акрэсціна» будзе адным з першых аб'ектаў муры якога абрынуцца ў недалёкай будучыні. Беларускі Асвенцым стане музеем, у якім будуць дакументаваны ўсе жудасныя злачынствы рэжыму супраць уласнага народа.

Аперацыя «Гарачыня» працягваецца», - паведамляюць кіберпартызаны.