Да + 34°С чакаецца ў Беларусі ў пятніцу

Будзе пераважна без ападкаў.

Да 34 градусаў спякоты чакаецца ў Беларусі 9 ліпеня, абвешчаны жоўты ўзровень небяспекі, паведамілі БелТА ў Рэспубліканскім цэнтры гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У пятніцу будзе невялікая воблачнасць. Пераважна без ападкаў. Вецер прагназуецца паўднёва-ўсходні, паўднёвы 4-9 м/с, удзень па захадзе парывы да 14 м/с.

Тэмпература паветра ўначы складзе плюс 13-19 градусаў, месцамі плюс 20-22. Днём паветра прагрэецца да плюс 28-34 градусаў.