Ціманоўская падпісала ліст спартоўцаў за новыя выбары

Падпісаў ліст і муж лёгкаатлеткі Арсень Зданевіч.

Беларуская лёгкаатлетка Крысціна Ціманоўская і яе муж Арсень Зданевіч падпісалі ліст спартоўцаў за сумленныя выбары і супраць гвалту, піша «Трибуна».

Сёння, 16 жніўня, адбыўся роўна год з моманту стварэння адкрытага ліста.

На гэты момант ліст спартоўцаў за сумленныя выбары і супраць гвалту падпісалі 2138 чалавек.

Нагадаем, беларускія спартыўныя функцыянеры сілай спрабавалі вывезці лёгкаатлетку Ціманоўскую з Токіа, дзе праходзілі Алімпійскія гульні.

Яна распавяла журналістам, што баіцца ляцець у Беларусь, і папрасіла палітычны прытулак у Еўропе. Пасля бягуха атрымала польскую гуманітарную візу, вечарам 4 жніўня яна прыляцела ў Варшаву.