«Атрымліваецца нонсэнс»

У Лукашэнкі сапраўдны кадравы голад.

12 мая Аляксандр Лукашэнка даў згоду на прызначэнне Руслана Пархамовіча старшынём Гомельскага гарвыканкама. Да гэтага ён займаў пасаду памочніка Лукашэнкі — інспектара па Гомельскай вобласці. То бок фактычна быў у арганах кантролю, піша «Флагшток».

З размовы Лукашэнкі з Пархамовічам, прыведзенай у дзяржаўных СМІ, вынікае, што ён сам хацеў атрымаць пасаду старшыні гарвыканкама:

«Я больш схільны да практычнай дзейнасці. Паспрабаваў сябе ў розных іпастасях. Але праца «ў полі», напэўна, для мяне больш зручная. Я даволі глыбока пагружаны ў сітуацыю ў другім па велічыні горадзе нашай краіны. Бачу, што для горада ёсць перспектывы. Трэба заняцца камуналкай, будаўніцтвам. Трэба заняцца таксама аховай здароўя і адукацыяй. Ёсць апорныя пункты. Але ў горада дастаткова рэзерваў».

Прыкметай таго, што чыноўнік, пераведзены год таму з Мінска ў Гомель, мае намер асесці ў абласным цэнтры, можа служыць факт, што для ягонай жонкі яшчэ паўгода таму падшукалі ў Гомелі цёплае месца, пра што распавядалі журналісты, — пасаду галоўнага ідэолага аўтапарка.

Сам факт прызначэння кіраўніком выканкама чыноўніка з сістэмы кантролю агаляе старую кадравую праблему: бракуе чыноўнікаў вышэйшага звяна. Выходзіць нонсэнс: раней Пархамовіч кантраляваў старшыню аблвыканкама Івана Крупко, а цяпер пераведзены яму ў падпарадкаванне.

Негатыўным фактарам можна назваць і тое, што для Пархамовіча горад чужы — ён нарадзіўся ў Магілёве, там і працаваў, а пазней — у Мінску.

Што да Уладзіміра Прывалава, які кіраваў Гомелем з 2022 года, дык для яго адстаўка, падаецца, таксама была жаданая. Наколькі вядома «Флагштоку», ужо цягам года ў мясцовых органах улады хадзілі чуткі, што Прывалаў меціць у Мінск, каб перайсці на новы ўзровень кар'ернай лесвіцы.

Паводле звестак, якія пераказваюць адзін аднаму ў выканкамах і адміністрацыях, у Прывалава ёсць знаёмы ў адным з міністэрстваў, які лабіяваў яго перавод у сталіцу.

Аднак афіцыйнай інфармацыі пра якую-небудзь новую пасаду Прывалава пакуль няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com