Грэцыя ўвяла абмежаванні на папулярных сярод турыстаў выспах

Абмежаванні набудуць моц з пятніцы.

Грэцыя ўвяла начную каменданцкую гадзіну і забараніла музыку ва ўстановах на дзвюх папулярных турыстычных выспах, каб стрымаць распаўсюджванне COVID-19.

Пра гэта паведамляе «Еўрапейская праўда».

Міжземнаморская краіна, якая спрабуе адрадзіць турыстычны сектар, моцна пацярпелы ад пандэміі каранавіруса, таксама змагаецца з хваляй лясных пажараў на фоне працяглай спякоты.

Абмежаванні набудуць моц з пятніцы і будуць дзейнічаць да 13 жніўня пасля рэкамендацыі камітэта экспэртаў у інфекцыйных хваробах, які кансультаваў урад Грэцыі.

Пацярпелі востраў Закінф на захадзе Грэцыі, дзе эпідэмічная нагрузка пагоршылася на 69% у параўнанні з тыднем раней, і горад Ханьян на Крыце, дзе яна вырасла на 54%.

Генеральны сакратарыят у пытаннях грамадзянскай абароны абвясціў у чацвер, што свабодны рух у гэтых двух рэгіёнах будзе забаронены з 1 ночы да 6 раніцы, за выключэннем экстранных медыцынскіх выпадкаў і працы, тады як музыка забароненая ў клубах, барах і кавярнях, каб прадухіліць перапоўненасць устаноў.

Таксама забароненыя вечарынкі і іншыя сходы, большыя за 20 чалавек, як у прыватных, так і ў грамадскіх месцах, і штрафы за парушэнне гэтага абмежавання складаюць ад 50 000 да 200 000 еўраў.