Справа за малым
1- ТЭЛЕГРАМ-КАНАЛ «БЕЛАРУСКАГА АБ'ЯДНАННЯ РАБОЧЫХ» (БОР)
- 7.08.2021, 11:33
- 6,952
Змяніць краіну мы можам хутка і бяспечна.
Змяніць свет дадзена не кожнаму, але кожнаму дадзена змяніць сябе. У жніўні дваццатага менавіта гэта і адбылося.
Кожны з нас змяніў сябе: стаў мацнейшы, больш сумленны, мудрэйшы.
Менавіта такой становіцца наша нацыя.
Прайшло нямала часу, але нашы мэты засталіся ранейшымі:
– Вызваленне ўсіх палітвязняў
– Новыя сумленныя выбары
– Аднаўленне правасуддзя.
За гэты год з'явілася мноства новых ініцыятываў, якія накіраваныя не толькі на дапамогу беларусам, але і на фармаванне сумленнага, дэмакратычнага грамадства. Яны дзейнічаюць рознымі метадамі, але кансалідавана.
Выраслі і сфармаваліся новыя структуры, з'явіліся новыя лідары, якія гатовыя весці наперад краіну, замяніўшы састарэлую сістэму. Мы не толькі хочам пераменаў, але мы гатовыя ўзяць на сябе адказнасць за іх ажыццяўленне.
Далей – справа за малым. Успомніць, што мы моцныя, смелыя і свабодныя беларусы, якія здольныя змяніць свет вакол сябе.
Зрабіць гэта мы можам хутка і бяспечна:
Бізнэс сыходзіць у адпачынак.
Працоўныя застаюцца дома.
Толькі так мы зможам дапамагчы трыумфу правасуддзя.
Мы хочам вярнуць нашых родных і блізкіх з выгнання. Мы хочам, каб наша краіна ўздыхнула свабодна. Мы не дазволім вывозіць каштоўныя рэсурсы з Беларусі. Яны нам спатрэбяцца для пабудовы новай краіны.
Страйку быць!
Тэлеграм-канал «Беларускага аб'яднання працоўных» (БОР)