«Новая газета» расказала, што ў Расеі можна прагаласаваць у гандлёвых намётах і на прыпынках

У гэтым годзе - не на «пяньках».

«Новая газета» адзначае, што ў Расеі сёлета замест пянькоў і багажнікаў аўтамабіляў, якія выкарыстоўваліся падчас галасавання аб- папраўках у Канстытуцыю, у асобных вёсках можна будзе апусціць бюлетэнь у скрыню таксама каля храма, на беразе возера, ля будаўнічага рынку або побач з аптэкай.

Як патлумачылі ў камісіях, гаворка ідзе аб населеных пунктах, да якіх цяжка дабрацца або ў якіх адсутнічае прыдатнае памяшканне, клуб або школа.

Усяго выбрана і ўзгоднена з Масаблвыбаркамам амаль 600 аддаленых месцаў для галасавання.

Выбары ў Дзярждуму і розных узроўняў ужо пачаліся сёння на Далёкім Усходзе і ў Сібіры. Трохдзённае галасаванне закончыцца ў нядзелю ўвечары.