Палітолаг: Кожны аўтарытарны рэжым рана ці позна трапляе ў становішча Лукашэнкі

Канспіралогія не дапаможа.

Абвыкшы маніпуляваць вынікамі выбараў і звесткамі сацыялагічных даследаванняў, «кожны аўтарытарны рэжым у нейкі момант трапляе ў становішча Аляксандра Лукашэнкі, супраць якога паўстаў ягоны ўласны народ.

Пра гэта піша палітолаг Абас Галямаў.

«Паколькі інструментаў, якія дазваляюць разглядзець нарастальную незадаволенасць, у яго даўно няма, тое, што адбываецца заспявае яго знянацку. Тут як нельга дарэчы аповеды пра агентаў Дзярждэпу, якія арганізуюць пратэсты, і іншая канспіралогія. Яны хоць неяк тлумачаць тое, што адбываецца», - адзначае экспэрт.

На ягоную думку, гісторыі наконт замежнага ўмяшання, якія распаўсюджваюцца расейскімі ўладамі, трэба мець на ўвазе іх дваістую прыроду «Гэта не толькі прапаганда, якая дазваляе прамываць мазгі насельніцтву. Акрамя таго, гэта яшчэ і важны псіхатэрапеўтычны сродак, які дазваляе ўладам пачувацца больш-менш камфортна, - прынамсі, не адчуваць сябе людзьмі, якіх ненавідзіць насельніцтва ўласнай краіны».

Галямаў бачыць у гэтай сітуацыі зваротную залежнасць. З ягоных слоў, «чым горш тэма замежнага ўмяшання працуе ў частцы выканання сваёй першапачатковай - прапагандысцкай - функцыі, тым больш важнай становіцца яе псіхатэрапеўтычны складнік».

Раней кіраўнік камісіі Савета Федэрацыі ў абароне дзяржаўнага суверэнітэту і прадухіленні ўмяшання ў суверэнныя справы РФ Андрэй Клімаў паведаміў, што замежныя марнаванні на ўмяшальніцтва ў расейскія выбары параўнальныя з сумай, якую выдаткоўвае Расея на іх правядзенне. У Беларусі такія казкі мы чуем увесь час.