ІП: Нас чакае абвастрэнне сітуацыі на спажывецкім рынку

У Беларусі для ІП хочуць перагледзець падаткі.

У Беларусі для індывідуальных прадпрымальнікаў хочуць прыкметна зрэзаць падатковыя льготы. Адны новаўвядзенні плануюць увесці з 2023 года, іншыя - раней, піша zerkalo.io. Блытаніна ў тэрмінах паўстала шмат у чым праз тое, што чыноўнікі дагэтуль не размясцілі ў адкрытым доступе праект змяненняў, а да «абмеркавання» магчымых новаўвядзенняў, як распавядаюць у бізнэс-звязах, «забыліся» паклікаць саміх прадпрымальнікаў. Тым часам прагнозы бізнэс-звязаў - ад «панікаваць рана» да чаканняў, што ўмовы працы пагоршацца, ІП будуць закрывацца і з'язджаць з краіны.

Коратка пра магчымыя змены для прадпрымальнікаў

Для ІП могуць скасаваць адзіны падатак і спрошчанае падаткаабкладанне. Паводле звестак Менскага сталічнага саюза прадпрымальнікаў, гаворка ідзе пра скасаванне спрошчанай сістэмы падаткаабкладання з выплатай ПДВ - праз устаноўку нізкага значэння лімітавага даходу пры ўжыванні ССП без выплаты ПДВ. Таксама плануецца «гарманізацыя падатковага заканадаўства для малога і сярэдняга бізнэсу паміж Беларуссю і Расеяй».

Таксама разглядаецца магчымасць паступова ліквідаваць льготныя зборы для рамеснікаў і ўладальнікаў аграсядзібаў (да гэтага - прыкметна падняць падаткі).

Зніжэнне канкурэнцыі, рост ценявой эканомікі, міграцыя бізнэсу. песімістычны прагноз

Магчымыя новаўвядзенні ў падатках для ІП абмеркавалі бізнэс-звязы. Паводле звестак Менскага сталічнага звязу прадпрымальнікаў і працадаўцаў, змены ў Падатковы кодэкс чыноўнікі абмяркоўвалі без «істотнага ўдзелу дзелавой супольнасці». «Распрацоўшчыкі праекта Падатковага кодэкса не падалі пакуль ніякіх абгрунтаванняў, на падставе якіх можна было б ўпэўнена сцвярджаць, што маючыя адбыцца змены ў парадку падаткаабкладання не прывядуць да негатыўных сацыяльна-эканамічных наступстваў і будуць спрыяць дасягненню устаноўленых мэт», - удакладняюць у звязе. Нагадаем, раней у грамадскім аб'яднанні «Перспектыва», якое нядаўна ліквідавалі на ініцыятыву Мінюста, паведамлялі, што арганізацыю, якая бароніць інтарэсы ІП, не запрашалі для абмеркавання магчымых зменаў.

«Маючыя адбыцца змены ў сістэме падаткаабкладання могуць выклікаць высокі ўзровень страт для суб'ектаў малога і сярэдняга бізнэсу, а таксама высокі ўзровень рызыкі страт бюджэту, - прагназуюць бізнэс-саюзы. - У ліку патэнцыйных пагроз - спыненне прадпрымальніцкай дзейнасці з боку вялікай колькасці прадпрымальнікаў, актывізацыя аперацый у ценявым сектары эканомікі, зніжэнне ўзроўню канкурэнцыі ў шэрагу сектараў эканомікі, абвастрэнне сітуацыі на спажывецкім рынку, іміграцыя значнай колькасці эканамічна актыўнай часткі насельніцтва».

Са слоў дырэктара Саюза прадпрымальнікаў і наймальнікаў імя Куняўскага Жанна Тарасевіч, у пытаннях змяненняў у Падатковы кодэкс больш пытанняў, чым адказаў. «Гаворка ішла пра змены з 2022 года наступнага моманту - ІП не змогуць карыстацца спрошчанай сістэмай падаткаабкладання, а будуць вымушаныя пераходзіць на адзіны падатак па тых відах дзейнасці, якія будуць устаноўлены», - адзначыла кіраўнік бізнэс-саюза.

У новай рэдакцыі Падатковага кодэкса прапануецца, каб ІП па падаходным падатку плацілі 16% - але не ад прыбытку, а ад даходу, патлумачыла Тарасевіч. Яна мяркуе, маецца на ўвазе, што па факце розніца ў грошах паміж 5% і 16% падаткаў можа быць не такая вялікі, як здаецца, калі глядзець толькі на працэнты.

Зараз ІП могуць ужываць адзін з трох рэжымаў падаткаабкладання. Першы - агульная сістэма падаткаабкладання - мае на ўвазе, што бізнэсовец выплачвае падаходны падатак (16%) з розніцы паміж даходам і дакументальна пацверджанымі выдаткамі. Другі рэжым - спрошчаная сістэма падаткаабкладання (ССП) або проста спрошчаная - прадугледжвае выплату штоквартальнага падатку з даходу. Тыя, хто плацяць ПДВ у рамках гэтага рэжыму, выплачваюць 3% ад даходу, тыя, хто не плацяць ПДВ, - 5% ад даходу. Трэці рэжым падаткаабкладання - адзіны падатак, які не прывязаны да памеру даходу, яго памер устанаўліваецца мясцовымі ўладамі і залежыць ад рэгіёну.

Найбольшай папулярнасцю ў малым бізнэсе карыстаецца ССП, прычым яе вартасць не ў тым, што нізкія падаткі, а ў тым, што лічыць яго проста, не трэба весці мноства кніг і рэгістраў і не трэба наймаць бухгалтара.

Можа, прадпрымальнікам пара сысці ў адпачынак?