Галоўнакамандавальнік УСУ: Украіна цалкам гатовая да ўваходжання ў NATO

Украіна ўвасобіла стандарты ў пытаннях кіравання, планавання і падрыхтоўкі.

Украіна ўвасабляе стандарты NATO і гатовая да ўваходжання. Аднак канчатковую пастанову павінен прыняць Альянс.

Пра гэта галоўнакамандавальнік УСУ Валерый Залужны заявіў выданню "Радио Свобода".

Паводле ягоных словаў Украіна ўвасобіла стандарты ў пытаннях кіравання, планавання і падрыхтоўкі.

"Гэта значыць, мы цалкам ужо фактычна распрацавалі гэтыя стандарты, паводле якіх выконвае задачы NATO. Але гэтага мала. Для таго каб мы сталі NATO, неабходная, на маё асабістае меркаванне, палітычная пастанова. Мы ўжо гатовыя. Можам, так бы мовіць", – заявіў галоўнакамандавальнік УСУ.

Акрамя таго, паводле ягоных словаў, дзеля стандартаў NATO ва Украіне былі падзеленыя кіроўныя пасады ў УСУ: галоўнакамандавальніка УСУ, кіраўніка Генштаба УСУ, камандавальніка ААС.

"І ўсе гэтыя падзеленыя пасады – гэта якраз наступствы руху ў бок NATO, у бок цывілізаваных стасункаў. Таму пасады падзяліліся. Цяпер я як галоўнакамандавальнік УСУ адказваю за баявую гатоўнасць, за падрыхтоўку і за ўжыванне УСУ ", – сказаў Залужны.