«Страйк – самае страшнае для хунты, паколькі ён нясе ёй прамую эканамічную пагрозу»

Усё, што цяпер адбываецца, – гэта бітва за нашу будучыню!

Працоўныя буйных заводаў, вы ўжо за доўгія гады змаглі заявіць пра сябе як пра палітычнага суб'екта. Як пра чыннік гісторыі. Вы больш не дадатак да станкоў, як вас успрымала кіраўніцтва і дзяржава, вы – працоўныя са сваімі класавымі інтарэсамі, піша тэлеграм-канал «Гані быкоў».

Дзеянні хунты зразумелыя: яны зноў і зноў спрабуюць вас запалохаць. Яны кідаюць вам пару падачак і спадзяюцца, што вы іх прыміце і станеце цішэйшыя і больш згаворлівыя. Яны шукаюць спосабы падзяліць вас.

Гэтыя быдлякі падманвалі вас 26 гадоў. Не дазвольце ім падмануць вас і цяпер!

Цяпер ні ў якім разе нельга спыняцца. Асабліва тыя, хто працуе на прадпрыемствах.

Нельга адступаць, інакш мы асуджаныя на паўтор таго пекла, якое адбылася, і гэтая вусатая істота прадоўжыць зрывацца на вас за страх, які зазнала.

Працоўныя, мы звяртаемся да вас, бо вы наша непахісная сіла, якая можа дапамагчы дасягнуць нашай агульнай мэты.

А наша з вамі мэта – гэта новая Беларусь без страху, хлусні і міліцэйскага беззаконня! Усё, што цяпер адбываецца, – гэта не флэшмоб, гэта бітва за нашу будучыню!

Мы абавязкова пераможам. Давайце зробім так, каб гэтая перамога была поўнай, безумоўнай і як мага больш хуткай.

Час страйкаваць! Беларусь жыве! Беларусь змагаецца!