Кошт газу ў Еўропе перавысіў парог $ 1000

Падаражанне справакаваў скачок коштаў у Азіі.

Кошт газу ў Еўропе вырваўся за адзнаку $ 1000 за тысячу кубоў і дасягнуў $ 1032. Пра гэта сведчаць звесткі сеткі біржаў фінансавых і таварных рынкаў ICE FUTURES.

Кошт падскочыў пасля росту коштаў у Азіі – лістападаўскі ф'ючарс на азіяцкі спотавы ЗПГ-індэкс JKM Platts напярэдадні дадаў адразу $ 60 і дасягнуў $ 1042 за тысячу кубаметраў. Пры гэтым Еўропа, дзе мае месца агульны дэфіцыт паставак газу (па газаправодах і ў звадкаваным выглядзе), вымушаная канкураваць за ЗПГ з прэміяльным рынкам Азіі.