На «Бабруйскаграмашы» будуць зразаць заробкі

Працоўным пара задумацца пра страйк.

На «Бабруйскаграмашы» будуць зразаць заробкі. Звязана гэта нібыта са зніжэннем рэнтабельнасці, бо сыравіна і матэрыялы падаражэлі.

Адпаведна, кіраўніцтва загадала знізіць сабекошт прадукцыі, што выпускаецца.

Было вырашана знізіць працаёмкасць працэсу, а калі знізіць працаёмкасць то, работнікам трэба плаціць менш.

Вось і вырашылі, калі работнік працуе на «новым» абсталяванні, то працаёмкасць зніжаецца і плаціць, такому работніку трэба куды менш, піша «Реальная Беларусь».

Новыя ўмовы працы ўвойдуць у дзеянне з 2021/11/01.

Работнікі да 31.10.21 павінны даць згоду на змяненне ўмоў працы, альбо адмовіцца.