Беларускія кіроўцы зноў байкатуюць тэхагляд

ДАІ прадаўжае ўзмоцнены кантроль на дарогах.

Памятаеце, у ДАІ абвясцілі аб узмоцненым кантролі за «тэхаглядам» на дарогах вобласці? Чытачы autogrodno.by кажуць, што аўтамабілістаў правяралі нават з дапамогай планшэтаў. У ДАІ Гародні расказалі аб першых выніках. Акцыя праходзіць з 11 да 16 студзеня.

За перыяд правядзення прафілактычных мерапрыемстваў выяўлена больш за 200 кіроўцаў, якія рухаліся на аўтамабілях без тэхагляду. Такое парушэнне цягне адміністрацыйнае спагнанне ў выглядзе папярэджання або штрафу да 3-х базавых адзінак, а калі парушэнне ўчыненае паўторна цягам года, штраф дасягае 5 базавых адзінак.

Статыстыка ДТЗ з прычыны тэхнічных няспраўнасцяў

Як паведаміла Анастасія Бурнас, старшы інспектар аддзялення агітацыі і прапаганды ДАІ Гародні, у 2021 годзе адбылося 7 ДТЗ з прычыны тэхнічных няспраўнасцяў аўтамабіляў. У гэтых аварыях 8 чалавек атрымалі траўмы, а 3 - загінулі.

На тэхаглядах зноў спад наведвальнасці

Статыстыка з пачатку гэтага года паказвае, што колькасць аўтаўладальнікаў, якія праходзяць тэхагляд, стала амаль удвая меншай. І пры тым, што апошнія 10 месяцаў мінулага года спецыялісты адзначалі небывалы рост кіроўцаў, якія правяраюць спраўнасць свайго аўтамабіля. Колькасць такіх аўтааматараў павялічылася тады амаль на 120 адсоткаў. Цяпер жа сітуацыя кардынальна змянілася.

«Думаю, у гэтым паўгоддзі работа будзе ўжо дастаткова сур'ёзна пастаўленая»: спецыяліст «Белтэхагляду» аб «лістах шчасця»

- Дасягнутая дамоўленасць кіраўнікоў нашага прадпрыемства з кіраўнікамі прадпрыемства, якія выкарыстоўваюць камеры. Так званыя камеры кантролю, якія ўсталёўваюцца на дарогах. Вяртаючыся зноў да тэмы так званых лістоў шчасця. Я думаю, што ў гэтым паўгоддзі гэтая праца будзе ўжо дастаткова сур'ёзна арганізаваная. Тыя людзі, якія ігнаруюць тэхнічны агляд, будуць атрымліваць адпаведныя лісты шчасця аб інфармацыі, якая здымаецца з гэтых камер, - кажа Андрэй Ігнатовіч, намеснік начальніка філіяла прадпрыемства «Белтэхагляд» у Гарадзенскай вобласці.

Дарэчы, у працэдуры атрымання допуску на ўдзел у дарожным руху таксама з'яўляюцца новаўвядзенні. Гэтымі днямі на прадпрыемстве «Белтэхагляд» перайшлі на электронны варыянт дыягнастычнай карты. Цалкам магчыма, што ўжо ў 2022 годзе і сам допуск на ўдзел у дарожным руху таксама пяройдзе ў электронны фармат.