У Кіеве ўшанавалі памяць беларускага Героя Украіны Міхаіла Жызнеўскага

Украіна шануе першых Герояў Нябеснай Сотні.

У Кіеве прайшло памятнае шэсце і паніхіда ў гонар першых Герояў Нябеснай Сотні, якія загінулі ў студзені 2014 года - Сяргея Нігаяна, Міхаіла Жызнеўскага, Рамана Сеніка, Юрыя Вярбіцкага, Аляксандра Бадэра і Багдана Каліняка.

Людзі прынеслі кветкі, запалілі свечкі і памаліліся ля мемарыяльных таблічак першым ахвярам Майдану.

Нагадаем, што 22 студзеня 2014 года падчас рэвалюцыйных падзей у Кіеве ад агнястрэльных ранаў памёр 25-гадовы беларус Міхаіл Жызнеўскі.