Шандаровіч пра Пуціна: Дзядуля стары, яму ўсё роўна
11- 29.01.2022, 21:08
- 18,764
Ніхто не ведае, што ў галаве ў Пуціна і на што ён можа вырашыцца ў дачыненні да Украіны.
Калі прэзідэнт РФ Пуцін сапраўды наважыцца разгарнуць шырокамаштабны наступ на Украіну, яго не спыняць ніякія этычныя меркаванні і «ніякая кроў». Пра гэта "Гордону" заявіў расейскі пісьменнік, публіцыст і апазіцыянер Віктар Шандаровіч.
«Небяспека заключаецца ў тым, што мы сапраўды не ведаем, з кім зараз маем справу, што ў галаве ў гэтага чалавека, як выглядае яго псіхіка. Тут патрэбны не геапалітыкі, а псіхіятры, каб прагназаваць. У значна большай ступені патрэбна кансультацыя псіхіятра, і мы павінны разумець, да якой ступені ён сам паверыў ва ўласную прапаганду, хто яму кладзе гэтыя тэчкі, якія ён чытае», - распавёў Шандаровіч.
З ягоных слоў, 69-гадовы Пуцін сам не карыстаецца альтэрнатыўнымі крыніцамі інфармацыі накшталт інтэрнэту, а таму цалкам залежым ад таго, хто і што яму дакладвае.
«Ён сапраўды кіраваны. Яго трымаюць у інфармацыйнай ізаляцыі. Гэта робяць людзі вайны, людзі супрацьстаяння, людзі, якім усё роўна не выйсці вонкі і ніякі Давос не свеціць. Гэта даволі небяспечна. Дзядуля стары, яму ўсё роўна. І тут, як гэта ні дзіўна, вельмі хочацца, каб яны былі цынічнымі людзьмі. І каб цынізм перамог вар'яцтва», - рэзюмаваў Шандаровіч.