Якім будзе надвор'е ў апошнія дні студзеня?

Падрабязны прагноз на 30-31 студзеня.

30 студзеня ўмовы надвор'я абумовіць цыклон з цэнтрам над Эстоніяй. Будзе воблачна, піша pogoda.by.

Працяглыя ападкі (снег, мокры снег, дождж). Уначы і раніцай месцамі мяцеліца. У асобных раёнах слабы галалёд, на дарогах галалёдзіца. Вецер заходняй чвэрці 6-11 м/с, на большай частцы парывы да 15-20 м/с, раніцай і ўдзень у асобных раёнах да 21-24 м/с. Тэмпература паветра мінімальная ўначы -2..-9°С, на захадзе блізу 0°С, максімальная ўдзень -2..+3°С.

31 студзеня ўмовы надвор'я ў краіне працягне вызначаць цыклон, які перамяшчаецца з Эстоніі на цэнтральныя раёны Еўрапейскай часткі Расеі. Пераважна воблачна. Часам снег, месцамі мяцеліца. На асобных участках дарог галалёдзіца. Вецер заходні, паўночна-заходні 6—11 м/с, уначы на большай частцы, удзень месцамі парывы да 15—20 м/с. Тэмпература паветра мінімальная ўначы -1..-7°С, максімальная ўдзень -5..+1°С.