У Казахстане вайскоўцы расстралялі здымачную групу тэлеканалу «Алматы»

Здымачная група ехала ў акімат на запрашэнне мясцовых уладаў.

Здымачная група тэлеканалу «Алматы» трапіла пад абстрэл у раёне адміністрацыі прэзідэнта, паведамляе выданне orda.kz.

Паведамляецца, што загінуў кіроўца аўтамабіля здымачнай групы, аднаму з журналістаў раздрабіла кісць, ён шпіталізаваны.

Здымачная група ехала ў акімат на запрашэнне мясцовых уладаў, каб зняць там рэпартаж.