Багацце мільярдэраў з Казахстана скарацілася на $3 мільярды пасля пачатку пратэстаў

Сярод бізнэсоўцаў, у якіх скараціўся капітал, дачка і зяць экс-кіраўніка краіны Назарбаева.

Багацце чатырох мільярдэраў з Казахстана скарацілася ў суме на $3 млрд пасля пачатку пратэстаў у краіне, падлічыў амерыканскі Forbes.

Так, ацэнка капіталу мільярдэра Вячаслава Кіма скарачалася на $1,4 млрд у параўнанні з 4 студзеня - з $5,7 млрд да $4,2 млрд, напісаў Forbes USA. Кім - старшыня рады дырэктараў казахскай плацежнай і фінтэх-кампаніі Kaspi.kz. Яе акцыі патаннелі на 30% усяго за два дні - з $188 4 студзеня да $87 6 студзеня. Да завяршэння тыдня таргоў багацце Кіма крыху вярнула страты і склала $4,4 млрд - гэта другое месца ў краіне, вынікае са звестак рэйтынгу Forbes Real-Time, які абнаўляецца ў рэжыме рэальнага часу ў залежнасці ад катыровак. Кім увайшоў у спіс мільярдэраў Forbes у 2021 годзе пасля IPO Kaspi.kz.

На тыя ж $1,4 млрд скарачалася і багацце гендырэктара Kaspi.kz - мільярдэра з Грузіі Міхаіла Ламтадзэ, які жыве ў Казахстане, адзначыў амерыканскі Forbes. Яго багацце знізілася з $5,2 млрд да $3,8 млрд. Да канца тыдня капітал Ламтадзэ таксама крыху падрос — да $4,1 млрд, паказвае Forbes Real-Time.

Багацце сярэдняй дачкі былога прэзідэнта Казахстана Нурсултана Назарбаева Дзінары Кулібаевай і яе мужа Цімура Кулібаева скарацілася ў суме на $200 млн у параўнанні з 4 студзеня, паведаміў амерыканскі Forbes. Ён зафіксаваў падзенне на адзнацы ў $3,1 млрд у мужа і жонкі. Аднак да 8 студзеня іх багацце апусціліся яшчэ - да $3 млрд, вынікае з рэйтынгу Forbes Real-Time. Дзінара і Цімур Кулібаевы кантралююць найбуйнейшы банк Казахстана па велічыні актываў - Народны банк (Халык-банк). Кошт акцый банка на фоне пратэстаў падаў 4-6 студзеня на 25%, а паводле вынікаў тыдня таргоў зніжэнне склала 16% (адносна максімальнага кошту ў 2022 годзе).

У глабальны спіс Forbes уваходзяць таксама мільярдэры з Казахстана Уладзімір Кім ($4,6 млрд, без змен у параўнанні з 6 студзеня) і Булат Утэмуратаў ($3,7 млрд, +$100 млн у параўнанні з 6 студзеня), паказвае Forbes Real-Time.