Экспэрт: У 20 тысяч мабілізаваных РФ, якія перакідаюцца ў Беларусь, могуць быць асаблівыя задачы
9- 5.10.2022, 11:51
- 11,984
Ацэнена імавернасць паўторнага наступу на поўнач Украіны.
З некаторых звестак, Расея перакідвае на тэрыторыю Беларусі 20 тысяч прызваных у рамках мабілізацыі вайскоўцаў. Гэтая жывая сіла можа даўкамплектаваць беларускія брыгады.
Пра гэта ў інтэрв'ю РБК-Украіна заявіў экспэрт Цэнтра абаронных стратэгій, палкоўнік Віктар Кеўлюк.
Паводле слоў экспэрта, расейскія мабілізаваныя вайскоўцы могуць быць прыцягнутыя да аховы аэрадромаў «Баранавічы» і «Зябраўка», якія РФ выкарыстоўвае на тэрыторыі Беларусі ў адпаведнасці з двухбаковымі пагадненнямі.
«Іх трэба ахоўваць, забяспечваць, рамантаваць самалёты трэба. Магчыма, частка гэтага натоўпу будзе ўдзельнічаць у гэтых мерапрыемствах. Хоць 20 тысяч - гэта занадта шмат для такіх функцый», - адзначыў ён.
Пры гэтым Кеўлюк не выключае варыянт, расейскімі мабілізаванымі будуць даўкамплектаваны беларускія брыгады ў штаты ваеннага часу.
«Гэта значыць, не праводзячы мабілізацыі ў Беларусі, разгарнуць іх узброеныя сілы. Так можа быць, потым яны схлусяць што-небудзь па тэлевізіі аб саюзнай дзяржаве. Для нас нічога не мяняецца. Мы ўважліва назіраем за паўночнымі межамі. І я думаю, што такія рухі незаўважанымі не пройдуць», - распавёў экспэрт.
Нагадаем, што ўчора Лукашэнка прызнаў, што ягоная краіна бярэ ўдзел у вайне супраць Украіны.