Forbes: Украіна выкарыстоўвае ракеты, якія робяць HIMARS яшчэ больш смяротнымі для РФ

Гэта новы ўзровень лятальнасці.

Украіна вельмі эфектыўна выкарыстоўвае рэактыўныя сістэмы залпавага агню HIMARS супраць расейскіх захопнікаў. Нядаўна ў Мінабароны ЗША абвясцілі, што адправяць яшчэ чатыры сістэмы. І гэта добра.

Але, відавочна, украінскае войска ўжо атрымлівае боепрыпасы, якія выводзяць HIMARS на новы ўзровень лятальнасці, прыводзіць артыкул Forbes «Люстэрка тыдня. Украіна», паказваючы на фота з фронту, якія распаўсюджваліся апошнім часам у сацыяльных сетках. Выданне тлумачыць, што дагэтуль Украіна выкарыстоўвала ракеты M31. Гэта 88-кілаграмовыя ракеты, прызначаныя для «эфектыўнай паразы крытычных цэляў». Высокую дакладнасць M31 забяспечвае GPS-навядзенне. І гэта перавага, калі неабходна знішчыць канкрэтны будынак ці склад боепрыпасаў. Аднак удар ракеты дастаткова вузканакіраваныя. M31 мае аскепкавую гільзу, якая разлятаецца шротам, падобным сваёй формай на дыяменты. Зрэшты, гэта не зброя, якая можа "накрыць" агнём пэўны раён.

Кіраўнік аб'яднанага камітэта начальнікаў штабоў Узброеных сіл ЗША генерал Марк Мілі заяўляў, што з дапамогай HIMARS і гэтых ракет украінскае войска знішчыла больш за 400 расейскіх цэляў, сярод якіх зброевыя склады і камандныя цэнтры. Таксама гэтая зброя эфектыўна знішчала масты, камунікацыйныя цэнтры і склады з гаручым. Але HIMARS не выкарыстоўвалі для знішчэння варожых войскаў і тэхнікі.

Forbes піша, што існуюць больш «прасунутыя» ракеты для гэтых сістэм. Размова ідзе аб M30A1. У кампаніі Lockheed Martin, якая іх распрацавала, называюць гэтыя ракеты «першым боепрыпасам, распрацаваным для паразы занальных цэляў, які не пакідае пасля сябе неразарваных набояў». Сакрэт M30A1 у вялікай колькасці вальфрамавых шарыкаў, размешчаных вакол выбуховага ядра, іх прыкладна 182 тысячы. Гэты дызайн выкананы ў адпаведнасці з тэхналогіяй LEO (Lethality Enhanced Ordnance - боепрыпасы падвышанай смяротнасці), распрацаванай кампаніяй Orbital ATK. Гэты падыход выкарыстоўвае камп'ютарнае мадэляванне для вызначэння аптымальнага памеру, колькасці, шчыльнасці і размяшчэння фрагментаў, каб боепрыпас нанёс максімальную шкоду канкрэтным відам цэляў. Forbes піша, што выбух адной ракеты M30A1 пакрывае плошчу памерам з чатыры футбольныя палі. Залп з адной касеты HIMARS, якая змяшчае шэсць ракет, знішчыць мэты на плошчы крыху больш за квадратны кіламетр.

Forbes піша, што апошнім часам у сацыяльных сетках з'явіліся фоты, якія сведчаць аб тым, што Украіна выкарыстоўвае ракеты M30A1, вырабленыя ў 2017 годзе. Такія боепрыпасы вельмі эфектыўныя ў знішчэнні грузавікоў і іншых лёгка браняваных машын, якія Расея ўсё часцей выкарыстоўвае. Яны таксама смяротныя для пяхоты. M30A1 выбухаюць на вышыні. Так што схавацца ад іх у акопах не заўсёды ўдасца. Улічваючы гэта, Forbes робіць выснову, што блізу 300 тысяч мабілізаваных расейцаў прыбудуць на фронт, яны панясуць цяжкія страты.

Між тым іншыя паведамленні сведчаць, што Украіна пачала выкарыстоўваць супрацьтанкавыя міны AT2, разгортванне якіх таксама праводзіцца з дапамогай ракет HIMARS. Такія міны можна заўважыць на фота, зробленых на дарогах ля Лімана. 2-кілаграмовыя міны маюць кумулятыўны зарад, які выстрэльвае ўверх, калі бронемашына праязджае над імі. Калі іншыя супрацьтанкавыя міны спыняюць танкі, разбіваючы іх гусеніцы, то AT2 знішчае сам танк. Такія міны можна расстаўляць уручную ці з дапамогай ракет. Адна ракета HIMARS можа разгарнуць да 28 мін. Як менавіта праводзіць мінаванне Украіна, гэта пытанне дыскусій паміж экспэртамі.

Падчас Халоднай вайны ў NATO разглядалі міны AT2 як сродак супраць хуткага наступу савецкай бранятэхнікі. Імі запасіліся Заходняя Нямеччына, Нарвэгія і Вялікабрытанія, а не ЗША. Аднак невядома, хто з хаўруснікаў выдаў тыя міны, якія выкарыстоўвае Украіна зараз.