Осцін расказаў аб вайсковай дапамозе, якую дадуць Украіне ўдзельнікі фармату «Рамштайн»

Міністр абароны ЗША адзначыў, што дапамога «будзе мець рэальнае значэнне».

16 лістапада некалькі краін абвясцілі аб выдачы Украіне дадатковай ваеннай дапамогі. Пра гэта паведаміў міністр абароны ЗША Лойд Осцін на брыфінгу па выніках пасяджэння Кантактнай групы ў пытаннях абароны Украіны 16 лістапада, паведамляе «Гардон».

Ён падзякаваў Швэцыі за пакет дапамогі сумай $287 млн, які «ўключае ключавыя магчымасці, у тым ліку сістэмы супрацьпаветранай абароны, якія ўмацуюць здольнасць Украіны абараняцца ад Расеі».

Таксама рата на $500 млн выдасць Канада. Осцін адзначыў, што краіна «застаецца адным з вядучых донараў зімовага рыштунку».

«Нямеччына выдасць такую неабходную дапамогу ў выглядзе сродкаў супрацьпаветранай абароны, артылерыі і боепрыпасаў. Грэцыя таксама абвясціла аб важным ахвяраванні 155-мм боепрыпасаў, а Польшча прадаставіла дадатковую артылерыю і боепрыпасы, а таксама сродкі СПА малой далёкасці», - сказаў ён.

Міністр адзначыў, што гэтая дапамога «будзе мець рэальнае значэнне».