У Беларусі затрымалі грэцка-каталіцкага святара Віталя Быстрова
3- 24.11.2022, 21:15
- 7,450
Святар служыць у парафіі Маці Божай Жыровіцкай у Івацэвічах.
Затрыманы грэцка-каталіцкі святар Віталь Быстроў, паведамляе «Хрысціянская візія». Аб гэтым стала вядома сёння.
Айца Віталя затрымлівалі ў лістападзе 2020 года. Тады ён атрымаў 10 дзён арышту паводле арт.23.34 КоАП. Салідарнасць з ім выказаў біскуп Юрый Касабуцкі, які заклікаў да ўсеагульнай малітвы "ў кожным касцёле і кожнай капліцы".
Прэсавая служба Курыі Апостальскага візітатара грэка-каталікоў Беларусі ў афіцыйнай заяве не ўгледзела "суб'ектыўнага складу правапарушэння" ў дзеяннях Віталя Быстрова.
Святар служыць у парафіі Маці Божай Жыровіцкай у Івацэвічах.