Бясслаўнае падзенне Пуціна
4- 26.11.2022, 14:41
- 16,358
Якая аперацыя УСУ стане апошняй для кіраўніка Крамля.
Калі войскі РФ пацерпяць паразу на Запарожскім кірунку - ці Мелітопаль, ці ад Такмака да Марыупаля - становішча прэзідэнта РФ Уладзіміра Пуціна катастрафічна пагоршыцца.
Такое меркаванне выказаў адвакат Марк Фейгін у размове з украінскім журналістам Дзмітрыем Гардонам.
Экспэрты абмеркавалі перспектывы вызвалення Мелітопаля. Яны нагадалі, што чарада паражэнняў расейскага войска ва Украіне (адступленне ад Кіева і Чарнігава, дэакупацыя Харкаўшчыны і Херсона) не толькі падкасілі «другое войска свету», але і не дадаюць палітычнай вагі дыктатару Пуціну.
Гардон нагадаў, што Мелітопаль - гэта брама ў Крым. Фейгін пацвердзіў, што вызваленне Мелітопаля не толькі рассячэ акупацыйную групоўку, але і адкрые наўпроставы шлях на пярэсмык да акупаванага паўвострава, стаўшы апошнім ударам для Пуціна.
«Наогул не зразумела, з якімі козырамі ты застаешся. Я не выключаю, што ключавым (для кіраўніка Крамля - рэд.) стане крах Запарожскага фронту», - адзначыў праваабаронца.
На думку экспэртаў, пасля аперацыі УСУ па вызваленні Мелітопаля мы ўсе будзем назіраць ганебнае падзенне прэзідэнта РФ.