УСУ ўзмоцняцца баявымі гелікаптэрамі Sea King
5- 26.11.2022, 20:35
- 9,552
Апублікаванае відэа з вучэнняў украінскіх байцоў.
Вялікая Брытанія навучыла 10 украінскіх экіпажаў гелікаптэраў і ў найбліжэйшы час перадасць УСУ баявыя гелікаптэры Sea King. Пра гэта паведамілі ў Міністэрстве абароны Вялікай Брытаніі, апублікаваўшы відэа з вайсковых вучэнняў украінскіх воінаў, піша «Уніян».
Адзначаецца, што апошнія шэсць тыдняў украінскія экіпажы праходзяць навучанне ў Злучаным Каралеўстве.
Гелікаптэры Sea King дапамогуць УСУ праводзіць пошукава-выратавальныя працы.
Баявыя гелікаптэры Sea King: агульная інфармацыя
Westland WS-61 Sea King - гэта брытанская ліцэнзаваная версія амерыканскага двухрухавіковага палубнага гелікаптэра Sikorsky S-61. Прызначаны для барацьбы з падводнымі лодкамі.
Westland Sea King адрозніваецца ад амерыканскай версіі, між іншым, рухавікамі Rolls-Royce Gnome, а таксама брытанскімі сістэмамі супрацьлодкавай абароны. Акрамя таго, брытанскія гелікаптэры поўнасцю кампутарызаваныя.
Гелікаптэры Sea King: характарыстыкі
Экіпаж: 2-4 чалавекі
Даўжыня: 17,02 м
Вышыня: 5,13 м
Вага пустога гелікаптэра: 6 373 кг
Максімальная ўзлётная вага: 9 707 кг
Хуткасць: 207 км/г
Далёкасць: 1230 км.
У Брытаніі Sea King выкарыстоўваліся як Каралеўскім ВПС, так і Каралеўскім Ваенна-марскім флотам. Пры гэтым апошні гелікаптэр знялі з эксплуатацыі ВМС у 2018 годзе.