Стала вядома, чым заменяць заходнія фільмы ў кінатэатрах Беларусі
70- 15.12.2022, 22:23
- 33,874
Кінатэатры спусцеюць?
Стала вядома, чым збіраюцца замяніць заходнія фільмы ў Беларусі. Пра гэта распавёў віцэ-прэм'ер Ігар Петрышэнка падчас наведвання кінастудыі "Беларусьфільм" 15 снежня, паведамляе belarus.kp.ru.
Ён звярнуў увагу на тое, што гэтую ўнікальную магчымасць трэба выкарыстоўваць.
- Пайшлі і пайшлі.
І растлумачыў, што замест заходніх фільмаў у кінатэатрах краіны будуць паказваць айчыннае кіно, якое зразумелае, якое ўспрымаецца і выхоўвае ў нацыянальных духоўных глыбінных традыцыях.
- Пайшлі з рынку, значыць, іх месцы зоймуць іншыя кампаніі, якія ўспрымаюцца.
Акрамя таго, Петрышэнка заўважыў, што адмова заходніх кампаній трансляваць свае фільмы ў Беларусі зможа толькі ў станоўчым ключы прастымуляваць развіццё нацыянальнай кінастудыі, а таксама іншых прыватных кампаній.
І дадаў, што сярод такіх кампаній вельмі шмат расейскіх, якія здымаюць і з задавальненнем прыязджаюць і выкарыстоўваюць беларускія аб'екты для здымак.
Віцэ-прэм'ер падкрэсліў, што "вольнае месца пустое не будзе", і ўжо неўзабаве яно запоўніцца грунтоўным, добрым і выхоўваўчым кіно.