Пуцін замкнуўся ў бетонным «яйку»
16- 4.12.2022, 13:56
- 17,502
Палкоўнік ФСБ расказаў новыя факты аб бункерах кіраўніка РФ.
У Расеі поўна бункераў на выпадак ядзернай вайны. Некаторыя нагадваюць цэлыя падземныя пасёлкі з лякарнямі, транспартам і аўтаномнай падачай вады.
Як распавёў у эфіры FREEDOM экс-дэпутат Дзярждумы РФ, палкоўнік ФСБ у адстаўцы Генадзь Гудкоў, у Пуціна не адзін бункер.
З ягоных слоў, расейскі прэзідэнт цяпер мае толькі адно жаданне - выжыць усякім коштам, таму кіраўнік Крамля вельмі клапоціцца аб сваёй бяспецы.
Гудкоў пацвердзіў, што Пуцін хаваецца ў бункеры, які нагадвае «цэлыя падземныя гарады»: «Падземны горад - велізарная гіганцкая пустэча ў зямлі на вялікай глыбіні. Ледзь ні з электратранспартам, бо туды не дойдзеш пешшу… Разлічаны на некалькі дзясяткаў тысяч чалавек, якія знаходзяцца на глыбіні скальных парод», - распавёў былы дэпутат.
Гудкоў адзначыў, што такія бункеры будавалі яшчэ за савецкім часам. Некаторыя дажылі да нашага часу. Напрыклад, у Маскве.
«У Чэхаўскім раёне Масквы былі бункеры на выпадак ядзернай вайны: невялікай глыбіні, можа, 200 м. Тыпу бетоннага гіганцкага яйка, падвешанага на амартызатарах, каб у выпадку ўдару (ядзернага), выбуху ён захоўваў функцыянальныя здольнасці кіравання войскамі», - растлумачыў палітык.
Недалёка ад Масквы ёсць галінка падземных камунікацый, дадаў ён.
«У бункерах ёсць сістэма аўтаномнай ачысткі, падача вады, нейкія ахоўныя механізмы, абсталяваны медыцынскія пункты і лякарні. Гэта значыць, гэта падземныя пасёлкі, якія здольныя атуліць і абараніць на гады дзясяткі тысяч чалавек», - падсумаваў Гудкоў.