Выведка ЗША: Пуцін здзіўлены правалам ва Украіне і можа змяніць ваенныя мэты

Размова ідзе аб кароткатэрміновых планах Крамля.

Прэзідэнт Расеі Уладзімір Пуцін быў здзіўлены правалам Узброеных сіл РФ ва Украіне і можа скараціць на час свае мэты ва Украіне.

Аб гэтым заявіла дырэктарка Нацыянальнай выведкі ЗША Аўрыл Хэйнс на штогадовым Форуме нацыянальнай абароны ў Каліфорніі, паведамляе Reuters.

Пры гэтым яна адзначыла, што кіраўнік Крамля не змяніў доўгатэрміновыя планы наконт Украіны.

«Магчыма, Пуцін захоча скараціць свае кароткатэрміновыя ваенныя мэты, каб вярнуцца да сваіх планаў праз некаторы час», - заявіла Хэйнс.

Яна сказала, што Расея «дастаткова хутка» змарнавала свае вайсковыя запасы.

«Я сапраўды думаю, што ён становіцца больш дасведчаным аб праблемах, з якімі сутыкаюцца вайскоўцы ў Расеі. Але нам усё яшчэ не зразумела, ці мае ён на цяперашнім этапе поўнае прадстаўленне аб праблемах. Мы бачым недахоп боепрыпасаў, маральнага духу, праблемы з забеспячэннем, лагістыкай», - сказала Хэйнс.

У адказе на пытанне аб наступствах нападаў Расеі на энэргасістэму Украіны і іншую цывільную інфраструктуру, Хэйнс сказаў, што мэта Масквы збольшага палягала ў тым, каб падарваць волю украінцаў да супраціву.

«Я думаю, што мы не бачым довадаў таго, што воля ўкраінцаў падарвалася. Пры гэтым эканоміка Украіны вельмі пакутуе», - адзначыла яна.

Хэйнс дадала, што ЗША не ўважаюць за магчымае змяненне рэжыму ў Расеі праз вайну і падзенне ўлады ў Іране праз пратэсты.