МЗС Вялікай Брытаніі заклікае сваіх грамадзянаў устрымацца ад любых паездак у Беларусь
2- 18.02.2022, 21:50
- 9,084
Міністэрства вылучыла раёны, якія настойліва раіць унікаць.
Міністэрства замежных справаў (МЗС) Вялікай Брытаніі рэкамендуе ўстрымацца ад любых паездак, акрамя неабходных, у Беларусь, асабліва раіць сваім грамадзянам унікаць наведвання Ельска, Мазыра, Рэчыцы, Лунінца, Гомеля, Асіповічаў, Баранавічаў і Берасця, піша zerkalo.io са спасылкай на ўстанову.
«Са студзеня 2022 года нарошчванне расейскіх войскаў каля межаў Украіны, у тым ліку на тэрыторыі Беларусі, узмацніла пагрозу ваенных дзеянняў. У выпадку ваенных дзеянняў нашы магчымасці консульскай дапамогі будуць абмежаваныя», – гаворыцца ў паведамленні МЗС Вялікай Брытаніі.
Знешнепалітычная ўстанова апублікавала мапу, дзе адзначаныя раёны, якія МЗС настойліва раіць сваім суграмадзянам унікаць.