Маск паабяцаў разблакаваць Трампа ў Twitter
7- 10.05.2022, 21:48
- 3,208
Прадпрымальнік заявіў, што такія забароны падрываюць давер да сацыяльнай сеткі.
Амерыканскі бізнэсовец Ілан Маск заявіў, што разблакуе старонку былога прэзідэнта ЗША Дональда Трампа ў Twitter. Прадпрымальнік дадаў, што такія забароны падрываюць давер да сацыяльнай сеткі.
Пра гэта паведамляе The Wall Street Journal.
«Я думаю, што блакіроўка Дональда Трампа была няправільнай. Я думаю, што гэта было памылкай, таму што гэта адштурхнула большую частку прыхільнікаў былога прэзідэнта», - цытуе газета заяву Маска.
Прадпрымальнік дадаў, што блакіроўка старонкі Трампа была «маральна дрэнным развязаннем». З ягоных слоў, пастаянныя забароны падрываюць давер да Twitter.
«Калі ёсць няправільныя і дрэнныя твіты, іх варта альбо выдаліць, альбо зрабіць нябачнымі, і прыпыненне – часавае прыпыненне – дарэчнае, але не назаўжды», – удакладніў Маск.