Будоўля на месцы Чэрвенскага рынку спынілася
8- 11.05.2022, 21:12
- 14,300
Што адбылося?
Яшчэ ў лютым будаўніцтва гандлёва-забаўляльнага цэнтра на месцы былога Чэрвенскага рынка ішло бадзёра. Цяпер на аб'екце не відаць працоўных, нават з'явіліся пагалоскі, што «будоўля - усё», піша «Онлайнер».
У 20-х чыслах лютага на будпляцоўцы на скрыжаванні Аранскай і Маякоўскага было нямала тэхнікі, працавалі будаўнікі. Паспелі вымалевацца два ўзроўні будучага ГРЦ. Цяпер будоўля зусім не выглядае ажыўленай: пад'ёмныя краны ў адным і тым жа становішчы ўжо пару тыдняў, брамкі зачыненыя, працоўных не відаць.
Планаваўся гандлёвы цэнтр на 30 тысяч «квадратаў» з гіпермаркетам, крамамі, дзіцячым цэнтрам са спартзалай.
Забудоўшчык тэрыторыі – ТАА «Сільвер Капітал» (некалькі гадоў таму кампанія перайшла ва ўласнасць групы кампаній «РАПА»), генпадрадчык – кампанія Trasko-Inwest.
Па нумарах генпадрадчыка і забудоўшчыка каментар пакуль не ўдалося атрымаць.
Ва ўпраўленні архітэктуры і будаўніцтве адміністрацыі Ленінскага раёна Менска коратка расказалі, у чым справа: «На гэтым аб'екце нерытмічнае фінансаванне».
Прасцей кажучы, калі ёсць грошы - працы ідуць.
Як растлумачылі раённыя ўлады, будоўля можа спыняцца ў рамках заканадаўства: гэта можа быць прыпыненне будаўніцтва (да трох месяцаў) ці кансервацыя (ад трох месяцаў да трох гадоў).
- Па гэтым будаўніцтве пакуль пытанне кансервацыі не разглядаецца. Акту аб прыпыненні работ таксама ў адміністрацыю не паступала, - дадалі там.
Паводле пашпарта аб'екта працы павінны скончыць да чэрвеня 2023 года.