Washington Post адкрывае прадстаўніцтва ў Кіеве
- 11.05.2022, 21:25
- 1,720
Гэты крок сігналізуе пра доўгатэрміновую прыхільнасць Post у асвятленні вайны Расеі супраць Украіны.
Амерыканская газета The Washington Post стварае сваё бюро ў Кіеве.
Прадстаўніцтва выдання будзе ўзначальваць Ізабель Хуршудзян, галоўным карэспандэнтам стане Макс Берак, паведамляецца на сайце газеты.
Адзначаецца, што гэты крок сігналізуе пра доўгатэрміновую адданасць Post у асвятленні вайны Расеі супраць Украіны, бо яна працягне заставацца галоўнай гісторыяй гэтага года.
«Шмат месяцаў газета «Пост» прысвячала значныя рэсурсы асвятленню напружанасці на расейска-ўкраінскай мяжы, якая ўзмацнялася і ў канчатковым выніку перарасла ў расейскае ўварванне», - адзначыў рэдактар выдання ў замежных справах Дуглас Джэль.
«Калі вайна ўступіць у зацяжную фазу, дзякуючы бюро мы зможам інтэнсіўна інфармаваць непасрэдна з месца падзей і гарантаваць, што прадаўжаем забяспечваць якасную і аўтарытэтную журналістыку, на якую разлічваюць чытачы ва ўсім свеце», - дадаў ён.
Былая карэспандэнтка маскоўскага бюро Хуршудзян са студзеня робіць рэпартажы ва Украіне, а Верак, былы кіраўнік бюро ў Найробі, працуе ва Украіне ўжо два месяцы.
Яны будуць кіраваць камандай у складзе ўкраінскага рэпарцёра Дэвіда Штэрна, а таксама карэспандэнтаў, фатографаў і відэажурналістаў, якія будуць прыязджаць на ратацыі.