Контрудар УСУ пад Ізюмам: акупанты адыходзяць да мяжы РФ
3- 14.05.2022, 19:11
- 23,756
Тэхніка акупантаў пашкоджаная.
У Харкаўскай вобласці расейскія акупанты адыходзяць з займаных раней меж у бок мяжы РФ. Аб перадыслакацыі падраздзяленняў ворага на Ізюмскім кірунку расказалі ў Бароўскай сельскай радзе.
Падкрэсліваецца, што акупанты РФ, якія знаходзіліся ў Падвысокім, масава перадыслакоўваюцца ў Гарахаватку.
"Напэўна, гэта звязана з перасоўваннем лініі фронту ў выніку контрнаступу УСУ: гучныя выбухі ўночы і раніцай былі чутныя з боку Падвысокага, Бугаёўкі, Кунье", – гаворыцца ў паведамленні.
Разам з тым тлумачыцца, што рух ворага адбываецца ў кірунку Данбаса, частка варожых сіл затым вяртаецца праз Баравую ў кірунку Купянска з пашкоджанай тэхнікай.
У той жа час частка расейскіх вайскоўцаў і тэхнікі ўсё ж далей канцэнтруюцца ў паселішчах грамады і мясцовых лясох.