Беларус адправіўся на рыбалку, а потым пачаліся прыгоды

Відэафакт.

У суботу 14 траўня ратавальнікі Гомеля атрымалі паведамленне аб тым, што ў пойме ракі Сож каля вёскі Сеўрукоў на дрэве сядзіць мужчына і крычыць: «Дапамажыце!» Аб гэтым паведамляе МНС Гомельскай вобласці.

Установа прыводзіць аўдыёзапіс званка.

- Мужчына просіць дапамогі. У Сожы разлілася вада, сядзіць на дрэве, - паведамілі ў МНС.

- А чаго ён на дрэва залез? - удакладняе супрацоўнік МНС.

- А Бог яго ведае, чаго ён залез на дрэва (патэлефанаваў мінак, які там праязджаў). Крычыць: «Дапамажыце!»