Навукоўцы назвалі просты спосаб падоўжыць жыццё на некалькі гадоў
8- 15.05.2022, 21:37
- 12,680
У даследаванні ўзялі ўдзел больш за дзевяць тысяч чалавек у веку ад 50 гадоў.
Спецыялісты з Брыгамскай жаночай лякарні ў Бостане высветлілі, што інтэнсіўны кантроль за крывяным ціскам здольны прадоўжыць жыццё на некалькі гадоў, пішуць украінскія СМІ са спасылкай на даследаванні.
У даследаванні ўзялі ўдзел больш за дзевяць тысяч чалавек у веку ад 50 гадоў. Усе яны пакутавалі ад высокага сісталічнага ціску - ад 130 да 180 мілімэтраў іртутнага слупка.
Ахвотнікаў падзялілі на дзве групы, кожная з якіх атрымлівала антыгіпертэнзіўную тэрапію. У першай групе лекары ўтрымлівалі ціск удзельнікаў на адзнацы 120 мілімэтраў іртутнага слупка, у другой - 140.
У выніку эксперыменту спецыялісты прыйшлі да высновы, што з дапамогай сталага кантролю за ціскам здалелі павялічыць працягласць жыцця ахвотнікаў на тэрмін ад паўгода да трох гадоў у залежнасці ад веку.
Аўтары даследавання ўдакладняюць, што пазітыўных вынікаў можна дамагчыся, толькі калі сачыць за паказчыкамі ціску да канца жыцця, а таксама пры адсутнасці іншых сур'ёзных захворванняў.
Так, напрыклад, даследнікі з Канады выявілі, што правільная дыэта можа падоўжыць жыццё на тэрмін да 10 гадоў. Найбольш пераважнай дыэтай выявілася міжземнаморская, якая ўключае ў сябе садавіну, гародніну, рыбу, арэхі ды кісламалочныя прадукты.