Байдэн паабяцаў Фінляндыі і Швэцыі абарону ад агрэсіі да ўступлення ў NATO
10- 18.05.2022, 20:30
- 4,192
Амерыканскі прэзідэнт падтрымаў фінскую і швэдскую заяўкі на ўступленне ў NATO.
Злучаныя Штаты паабяцалі стрымаць патэнцыйную агрэсію на адрас Фінляндыі і Швэцыі падчас разгляду заявак абедзвюх дзяржаваў на далучэнне да Паўночнаатлантычнага альянсу.
Пра гэта паведамляе афіцыйны сайт Белага дому.
Амерыканскі прэзідэнт >Джо Байдэн падтрымаў фінскую і швэдскую заяўкі на ўступленне ў NATO. Ён таксама прапанаваў абедзвюм дзяржавам абарону ЗША на выпадак агрэсіі да сяброўства.
"Пакуль іх заяўкі на ўступленне ў NATO разглядаюцца, Злучаныя Штаты будуць працаваць з Фінляндыяй і Швэцыяй для захавання пільнасці да любых пагрозаў нашай агульнай бяспецы, а таксама стрымліваць і супрацьстаяць агрэсіі або пагрозе агрэсіі", – заявіў Байдэн.
Ён дадаў, што з нецярпеннем чакае сустрэчы з лідарамі абедзвюх краінаў – фінскім прэзідэнтам Ніінасціа і швэдскай прэм'ер-міністаркай Андэрсан. Візіт пазначаны на 19 траўня.
"NATO гарантуе бяспеку мільярду людзей у Еўропе і Паўночнай Амерыцы, аб'яднаных нашай агульнай прыхільнасцю да дэмакратычных прынцыпаў і нашых поглядаў на мір і росквіт у Еўропе і па ўсёй планеце. Мая адданасць NATO і артыкулу 5 (напад на любую з дзяржаў-чальцоў Альянсу разглядаецца як напад на іх усіх – рэд.) з'яўляецца жалезабетонным", – дадаў прэзідэнт ЗША.