Аперацыйная інфармацыя Генеральнага штаба УСУ на вечар 19 траўня

Захоўваецца пагроза ракетна-бомбавых удараў з тэрыторыі Беларусі.

Аперацыйная інфармацыя Генеральнага штаба УСУ аб расейскім ўварванні на 18.00 кіеўскага часу 19.05.2022.

"Працягваюцца 85-ы дзень гераічнага супрацьстаяння Украінскага народа расейскаму вайсковаму ўварванню. Асноўныя намаганні вораг засяроджваў на Данецкім кірунку, дзе ўжываў авіяцыю, артылерыю і мінамёты.

На Валынскім і Палескім кірунках сітуацыя істотных змен не зведала. Захоўваецца пагроза ракетна-бомбавых удараў па аб'ектах цывільнай і вайсковай інфраструктуры з тэрыторыі Беларусі.

На Северскім кірунку супраціўнік прадаўжае абсталяванне дадатковых агнявых пазіцый і ахоўных збудаванняў у прымежных раёнах Бранскай і Курскай абласцей. З мэтай удакладнення становішча нашых падраздзяленняў, пазіцый артылерыі і маршрутаў высоўвання вораг вёў паветраную выведку з дапамогай БЛА. Вораг абстраляў з артылерыі і мінамётаў прымежныя паселішчы Сумскай вобласці: Эсмань, Сопіч і Сярэдзіна-Буда.

На Слабажанскім кірунку вораг асноўныя намаганні засяроджваў на ўтрыманні занятых пазіцый і недапушчэнні прасоўвання сіл абароны ўглыб часова занятай тэрыторыі. У асобных мясцінах спрабаваў праводзіць беспаспяховыя контратакі з мэтай аднаўлення страчаных пазіцый. Працягваюцца баявыя дзеянні ля паселішчаў Цярнова і Баршчэва. Вораг вядзе ўзмоцненую паветраную выведку.

На Славянскім кірунку супраціўнік рабіў абстрэлы цывільнай інфраструктуры ля паселішчаў Прышыба, Грушувахі і Багародзічнага. У Данецкім кірунку, з мэтай паляпшэння тактычнага становішча ў асобных мясцінах, вораг актывізаваў наступальныя і штурмавыя дзеянні.

Каля Севераданецка вораг вёў штурмавыя дзеянні, панёс страты і адышоў на раней занятыя пазіцыі. Працягваюцца баявыя дзеянні ля паселішча Ташкоўкі. Акупанты праводзілі наступальныя дзеянні ля паселішча Аляксандрапаля (да 2016 года - Розаўка) Ясінавацкага раёна і спрабавалі палепшыць тактычнае становішча ля паселішчаў Піліпчаціна, Дружбы і Трыполля. Поспеху не маюць.

На Аўдзееўскім кірунку пры падтрымцы артылерыі вораг вёў штурмавыя дзеянні каля Новабахмутоўкі, поспеху не мае, панёс страты і адступіў. На Курахаўскім кірунку вораг пры падтрымцы рэактыўнай артылерыі ды цяжкіх агнямётных сістэм вёў наступ ля паселішчаў Стэпавага, Слаўнага і Мар'інкі, поспеху не мае.

У Ліманскім кірунку вораг наступальныя дзеянні не праводзіў, абстрэльваў цывільную інфраструктуру ля паселішчаў Азёрнага і Лімана.

На Паўднёвабужскім кірунку вораг актыўных баявых дзеянняў не рабіў. Пад заслонай агню мінамётаў і рульнай артылерыі працягваў акцыі інжынернага абсталявання пазіцый. Узмацніў групоўку падраздзяленнямі радыёэлектроннай барацьбы.

У Бесарабскім аперацыйным раёне на тэрыторыі Прыднястроўскага рэгіёну Рэспублікі Малдова сітуацыя змен не зведала.

Карабельныя групоўкі ворага ў акваторыі Чорнага і Азоўскага мораў працягваюць выкананне задачы ізаляцыі раёнаў баявых дзеянняў, вядзенні выведкі, падтрымкі дзеянняў наземнай групоўкі і блакавання цывільнага суднаплавання.

На часова захопленых тэрыторыях Украіны вораг далей робіць захады адміністрацыйна-паліцыйнага рэжыму, парушае правы і свабоды цывільных жыхароў, забараняе вольны рух і перамяшчэнне на тэрыторыю, падкантрольную ўраду Украіны.

Асабовы склад ворага дэмаралізаваны, абяцаныя выплаты за ўдзел у баявых дзеяннях камандаваннем расейскіх акупацыйных войскаў не робяцца. Асабовы склад далей нясе значныя страты ў баях з Сіламі абароны Украіны. Фіксуюцца выпадкі дэзэртавання асобных падраздзяленняў акупацыйных войскаў.

Разам пераможам! Слава Украіне!", - гаворыцца ў інфармацыі штаба УСУ.