Беларусь і Расея перайшлі на расейскі рубель пры размеркаванні ўвазных мытаў у ЕАЭС

Пра гэта паведаміў Мясніковіч.

Беларусь і Расея падпісалі часовае пагадненне аб пераходзе на расейскі рубель пры размеркаванні ўвазных мытаў на вонкавай мяжы ЕАЭС, паведаміў старшыня Калегіі Еўразійскай эканамічнай камісіі Міхаіл Мясніковіч 19 траўня на сустрэчы ў Лукашэнкі, паведамляе прэсавая служба.

Мясніковіч нагадаў, што ў адпаведнасці з умовай аб ЕАЭС 2014 года мыты збіраюцца ў нацыянальных валютах. Потым расшчапляюцца, перадаюцца нацыянальнаму банку, які канвертуе ў даляры, і "ўжо ідзе праз даляр размеркаванне ў скарбніцы іншых краін".

Беларусь і Расея працуюць паводле іншай схеме.

- Цяпер падпісаная часовая ўмова, паводле якой працуюць Беларусь і Расея на базе расейскага рубля. А Арменія, Казахстан і Кыргызстан выкарыстоўваюць старую схему валютных разлікаў паміж сабой, а з намі - на базе расейскага рубля. У гэтым плане, безумоўна, будзе цікавае вельмі разглядацца пытанне (на будучым саміце ЕАЭС - заўвага рэдакцыі), які тычыцца ўнясення змен у пагадненне аб Еўразійскім эканамічным саюзе паводле нейкай сучаснай мадэлі ды схемы разлікаў, - заявіў старшыня Калегіі Еўразійскай эканамічнай камісіі.

Нагадаем, увазныя мыты спаганяюцца на вонкавым перыметры ЕАЭС у краіне, праз якую ўвозяцца тавары. Потым мыты размяркоўваюцца паміж краінамі ў адпаведнасці з узгодненымі аб'ёмамі. З 2020 года дзель Беларусі складае 4,86%, Казахстана - 6,955%, Расеі - 85,065%, Арменіі ды Кіргізстана - 1,22% і 1,9% адпаведна.